Vala

Krerët e shtetit janë mbledhur sot në një restorant në Prishtinës, pas letrës së dërguar sot në adresë të tyre nga Shtetet e Bashkuara të Amerikës. Pjesë e takimit ka qenë edhe Presidenti i Kosovës, Hashim Thaçi dhe disa zëvendësministra.

Kryeministri i Kosovës, Ramush Haradinaj pas përfundimit të takimit me krerët ka dhënë detaje për temat që u diskutuan. Ai ka thënë se në takim u folën të gjitha zhvillimet e fundit në vend.

“Sot kam pasur takim me ambasadorin amerikan, Philip Kosnett, për të cilin kam respekt, është njëri i zoti dhe i përfaqëson më së miri Ameriknë.

Ai ka kërkuar dhe ka sugjeruar që të pezullohet taksa, e ne kemi pasur rastin edhe të tregojmë se e duam Amerikiën, por nuk i nënshtrohemi Rusisë dhe Serbisë”, ka theksuar Haradinaj.

Tutje, shefi i ekzekutivit ka thënë se taksa nuk është vendosur kundër Amerikës, por për shkak të konfliktit të ngrirë me Serbinë.

“Ne kërkojmë një marrëveshje ligjore gjithëpërfshirëse për njohjen, ku do të përfshihej tregtia e lirë dhe njohja, unë jam jo të pezullohet por të hiqet krejt taksa. Unë jam i vendosur dhe e kërkoj mirëkuptimin e të gjithëve, nuk është dëshira ime, as qëllimi, as arrogancë e trimëri e pavend, por e lus Amerikën të na kupton ne që e duam Amerikën më së shumti në botë. Nuk mundemi më me iu nënshtrohu Serbisë e me bo hajgare me neve, me na kontestu pikat kufitare, anëtarësimin në Interpol etj”, ka thënë tutje Haradinaj.

Ai ka shtuar se gjithçka që vjen nga Amerika e kupton drejt dhe e kupton që ajo dëshiron vetëm të stabilizoj rajonin.

“Por jemi në zor, është koha të arrihet marrëveshja gjithpërfshirëse me njohje reciproke, përfshirë tregtinë e lirë dhe e përkrahi një marrëveshje të tillë. Këto që i paraqita sot janë ato që mund ti paraqet në emër të atyre qe i përfaqësoj. Taksa mos të hiqet deri në njohje, për mua nuk hiqet deri në njohje nga Serbia. Kur erdha në pushtet ishte demarkacioni i nënshkruar nga dikush tjetër, po ashtu kemi arrit marrëveshje të presidentëve për korrigjim të marrëveshjes, e rasti i tashëm i marrëveshjes obligative me Serbinë është më e rëndësishmja, do ti jap përkrahje arritjes së një marrëveshje”, ka përfunduar Haradinaj.

Publiée par IndeksOnline sur Mardi 12 février 2019

MUND TË JU PËLQEJNË