Vala

Ushqim i preferuar i fëmijëve dhe i të rriturve, por është edhe i thjeshtë

Për brumë ju nevojiten:

– 1 kg miell të bardhë të butë tip 400,

– 1 lugë e vogël kripë deti,

– 2 paketime tharmë të thatë,

– 1 lugë sheqer,

– 4 lugë vaj ulliri,

– 650 ml ujë të vakët.

Përgatitja:

Përzieni miellin dhe kripën në tavolinë të pastër pune dhe bëni një gropëz në mes. Në një enë përzieni tharmin, sheqerin, vajin e ullirit dhe ujin dhe lërini disa minuta që tharmi të reagojë.

Pastaj atë përzierje qiteni në gropëzën e përzierjes të cilën e keni krijuar.

Me pirun gradualisht qitni miell nga rrethi i gropës dhe përzieni me përbërësit e lëngshëm. Gradualisht shtoni më shumë miell, dhe kur përzierja të bëhet homogjene, ngjisheni me duar. Ngjisheni brumin derisa të përftoni masë të lëmuar.

Vendosni sferën e brumit në një tepsi të madhe në të cilën keni qitur mielli dhe mbulojeni me leckë të njomë.

Lëreni brumi të bymehet së paku një orë, derisa të dyfishohet. Atëherë qiteni brumin në tavolinë në të cilën keni hedhur miell dhe ngjisheni fort.

Mund ta përdorni menjëherë, apo ta mbështillni në folie të tejdukshme dhe ta lini në frigorifer apo në frigorifer ngrirës deri në përdorimin tjetër.

Nëse e përdorni menjëherë, ndajeni brumin në disa sfera, sikur dëshironi të gatuani picë. Nga kjo sasi mund përftoni nga gjashtë deri në tetë pica të madhësisë mesatare.

Shtrijeni brumin me okllai në trashësinë e dëshiruar, qitni përbërësit sipas dëshirës dhe futeni në furrë të nxehtë të cilën më parë e keni caktuar në temperaturën maksimale.

Shikoni se si gatuajnë mjeshtrit italianë:

MUND TË JU PËLQEJNË