Në QKUK, gjegjësisht në Klinikën Gjinekologjike në Prishtinë nuk lejohet pjesmarrja e burrit në sallën e lindjes. Kjo pasiqë kushtet në sallën e lindjes janë të pafavorshme ku burri për të marr pjesë në lindjen e gruas së tij duhet të kalojë nëpër dhomën e pacienteve tjera.

Gazeta Shneta ka raportuar më herët se një gjë të tillë e lejon vetëm Spitali i Prizrenit, ku burrat lejohen të hyjnë në sallën e lindjes dhe të marrin pjesë në procesin e lindjes bashkë me gruan e tyre.

Është e rëndësishme sipas Ardian Ndrecajt që burrat të shohin procesin e lindjes në mënyrë që t’a kuptojnë vështirësinë dhe sfidat që gratë përballen gjatë sjelljes në jetë të një fëmije. Më poshtë e keni postimin e tij të plotë:

”Te dashura gra, nese keni me linde mos i merrni me veti ne spital motren, nanen, vjehrren a kunaten, por merreni burrin tuaj, edhe detyrone qe te hyje ne salle te lindjes me juve. Sepse burri i juaj duhet ta shohe se lindja e femijes nuk asht nje proces romantik e i kandshem qysh kena qef na me portretizu. Por le ta sheh se asht nje proces shume i mundimshem, e me dhimbje te tmerrshme. P.S. Une kam qene ne salle ne lindjen e dy femijeve te mije.”