Rizoto vegjetariane, krematoze me kungull Misiri

Rizoto vegjetariane, krematoze me kungull Misiri
Rizoto vegjetariane, krematoze me kungull Misiri
Rizoto vegjetariane, krematoze me kungull Misiri

Një recetë e shëndetshme, e lehtë dhe e ushqyeshme në të njëjtën kohë. Do t’ju shijojë pa masë.

Përbërësit:

– 300 g kungull Misiri të pastruar,
– 1 qepë,
– 1 karotë,
– 3 qepë të reja,
– 600 ml supë perimesh (ose 1 kube për supë),
– 1 lugë gjalpë,
– 3 lugë vaj ulliri,
– 250 g oriz,
– 150 ml verë të bardhë të thatë,
– 4 lugë djathë parmezan të grirë në rende,
– kripë,
– piper.

Përgatitja:

100 g kungull priteni në kube të imëta dhe fërgoni 5 minuta në gjalpë në temperaturë mesatare.

Qitni kripë, piper dhe largojeni nga shporeti.

Pjesën e mbetur prej 200 gramësh të kungullit grijeni imët në rende, qepën grijeni imët, karotën pastrojeni dhe qepën e re priteni në rrathë të imët.

Kuben e supës zieni në 600 ml ujë, ndërkaq qepën fërgojeni në vaj dhe kur të zbutet shtoni kungullin e grirë në rende dhe fërgoni bashkë disa minuta.

Qitni orizin, fërgojeni derisa të ëmbëlsohet dhe qitni verën. Duke i shtuar gradualisht supën dhe duke e përzier herë pas here zieni rreth 20 minuta.

Pas 20 minutave orizit shtoni qepën e re dhe karotën, dhe fërgoni edhe 5 minuta duke i përzier vazhdimisht.

Dhe krejt në fund në oriz qitni kubet e kungullit dhe parmezanin e freskët të grirë në rende.

Sipas nevojës dhe shijes qitni edhe pak kripë, dhe përzieni mirë, dekorojeni dhe sipas dëshirës shërbejeni

Lexo Revisten Online

Korrik, 2018

€ 1.99

| Blej Tani
Kallashi - E pakrahasueshmja
Po ç’mu kujtove sot, o Teki Dervishi!
Hasan Gashi - Hasan Hakubeti!
Rrëfimi i njeriut që mbeti pa familje - Nuk i mbet kush as për farë!

https://kosovarja.al/gatojca/